Iritsi zaigu berriz ere osteguna, eta horrekin batera IKT-ko klase praktikoa. Asteko azken eguna ez badirudi ere guretzat bada, asteburua ate joka daukagu beraz! Gogotsu eta lanerako aurkitzen garenez, gaurkoan ere hemen aurkitzen gara, ordenagailuaren aurrean, klasean zehar egindakoaren berri emateko. Baditugu hainbat gauza zuekin konpartitzeko. Goazen bada, kontaketari ekitera!
Goizeko 10ak pasa bezain pronto hasi dugu gaurkoan klasea, irakaslea klasera iritsi denean hain zuzen. Ikasgaiari hasiera emateko eta blog-en norabide eta eboluzioa ikaskide guztiok ezagutu ahal izateko, talde bakoitzak bere blogaren berri eman digu gainontzeko guztiei, orain arte egin dutena, burutu dituzten aurrerapausoak... zeintzuk izan diren azalduz. Horretaz gain, talde bakoitzak bere bloga erakusteko parada izan du, aurrean geneukanaren inguruko azalpen labur bat emanez. Blogak ikuskatzen genituen bitartean, irakasleak, hobetzeko gomendioak eman dizkigu talde guztiei, laguntza eskaini asmoz.
Jarduera txiki honekin amaitu ostean, irakasleak berak, ikasleontzat berriak ziren pare bat kontzeptu aurkeztu dizkigu, hauen inguruko informazioa bilatzera bultzatuz. Landu beharreko kontzeptuak "RSS" eta "creative common" izan dira. Hori dela eta, ikasle bakoitzak, bere kabuz, iturri desbrdinen bitartez honako kontzeptu hauen esanahia bilatzeari ekin diogu, beranduago, klase guztiaren aurrean bakoitzak bilatutakoa komentatu eta hauen definizio zehatzagoa lortzeko. Honako hauek izan dira, informazioa komunean jarri eta gero lortu ditugun definizio sinpleak:
- RSS: XML.ren familiako fitxategi formatu bat da, albisteen webgune eta blogentzako bereziki prestatua. Harpidetzak egitearen antzeko zerbait da. Adibidez, gure taldeak egin duen bezala, "Gara" egunkariak RSS-ak egiteko aukera luzatzen duenez, hots, harpidetza egiteko parada ematen digunez, egunkari honetan harpidetu gara, horrela, egunkarian argitaratzen diren eguneko berriak blogaren eskuinaldean agertzen zaigularik.
- Creative common: "sortu duenak libreki konpartitzen du burututako lana". Horrela laburu genezake baliabide teknologiko honen esanahia. Lizentzia baten antzeko zerbait da, honen erabileraren bitartez, gainontzeko erabiltzaileei zure lanak, informazioa... hartzeko eta erabiltzeko baimena ematen diozuna.
Definizioak argitu ostean, irakasleak, gure ikaskide den Jon-i, klasekide guztiaren aurrera ateratzeko eskatu dio, RSS bat nola sortu duen gainontzeko guztiei azaltzeko. Horrela, guztiok, harpidetzak era egoki batean burutu ditugula egiaztatu ahal izan dugu.
Saioaren atal horri amaiera eman ostean, talde bakoitzak bere gaia lantzeari ekitea proposatu digu Alaitzek. Gure kasuan, aurreko klasean hautatutako "POSTERRAK ETA INFOGRAFIAK" gaiean arakatzeari ekin diogu, web orrialde desberdinetan, multimedia posterrak burutzeko baliabide desberdinetan erregistratu eta zenbait saiakera eginez. Datozen klaseetan izango dugun lana, horrelako posterrak eta infografiak gauzatzeko programa desberdinak, glogster, eduglogster eta wordle, kasu, aztertzea eta hauen funtzionamendua ezagutzea izango da gure lana, lanarekin amaitu ostean, klasekide guztiei gure lana aurkeztu ahal izateko.
Klasea amaitzeko ordu laurden eskax falta zirenean, Alaitzek, "Frederick" ipuina irakurtzeko hiru boluntario eskatu ditu. Negue, Naroa eta Anderrek beraien burua horretarako prestatu ostean, proiektorearen bitartez jarritako bideoaren laguntzat, Lehen Hezkuntzako haurrentzat egokia izan daitekeen ipuin hau irakurtzeari ekin diote, guztiok, haurrak bagina bezala beraien kontaketari entzuten egon garen bitartean.
Kontaketarekin amaitu ostean, klasearen amaiera ordua pasata zegoenez jada, gaurkoan ez dugu hitz gakorik esateko paradarik izan. Hala ere, gaur arakatzen aritu garen "wordle" aplikazioaren laguntzarekin, jarraian atxikitzen dizuegun irudia burutu dugu, lehen klase praktiko amaieran esandako hitz gakoak erabiliz.
Zuen gustokoa izatea espero dugu!
Datorren astera arte agurtzen gara...
