Aurrerantz...

Kaixo bloggeroak!

Kanpoan eguraldi ona egiten badu ere, aprobetxatu ezinik, gaurko honetan IKT ikasgaiko bigarren praktikan aurkitzen gara. Hala ere, badu bere alde ona, blog-ak sortzen eta kudeatzen ikasten ari baitgara! Martxa honetan eta denboraren joanarekin profesional bilakatuko gara!

Praktika klasea hasi bezain pronto, aurreko astean gauzatu genuen jardueren errepaso txiki bat burutu dugu, denboran eta espazioan kokatu ahal izateko.

Memoria pixka bat freskatu eta lanari ekiteko asmoz, blog bat eraikitzeko bideari ekin diogu. Lehnik eta behin, "Blogger" eta "Wordpress" plataformen arteko desberdintasunak aurkeztu dizkigu irakasleak, bakoitzaren alde on zein txarrak adieraziz. Horrekin batera, blogaren kudeaketan beharrezko suertatuko zaizkigun zenbait kontzeptu garrantzitsu definitu ditugu, orrialdeak, etiketak... kasu.

Azalpen labur honekin amaitu ostean, talde bakoitzak, bere bloga sortzeari ekin dio. Horretarako g-mail kontu bat sortu eta "blogger" aplikazioarekin lanean hasi gara. Poliki-poliki pausoak emanez, lortu dugu gure bloga sortzea! LAUPUNTOZERO du izena, taldekide kopurua eta teknologia konbinatzen duelarik!

Hona hemen gure taldearen logoa:

Haur txiki bat bere jostailuarekin bezala, guk ere blog-aren mundua arakatzeari ekin eta sarrera zein diseinua aldatzen jardun dugu. Atsedenaldi labur baten ostean, "gadget" eta "bideoak" txertatzeko pausoak ezagutu ditugu, honakoekin arakatzeko aukera emanez. 

Klasea aurrera joan den bitartean, talde bakoitzak datorren asteeta sakondu beharko duen gaia aukeratzen aritu da. Honako hauek izan dira proposatu diren gaietariko batzuk: argazki edizioa, sare sozialak, prezi eta power point, bideo edizioa. Guk aukeratutako gaia, interneten burutu daitezkeen multimedia posterrak eta infografiak izan da. Datozen klaseetan, beraz, honetan lanean hasiko gara, hauen funtzionamendu eta nondik-norakoak ezagutzeko amoz. 

Klasea amaitzear zegoela, ikasle bakoitzak, hitz gako bat esan behar izan dugu. Aipatu ditugun hitz gakoak honako hauek izan dira:

Berria, interesgarria, frustazioa, luzea, sagua, bloga, bideoa, haizea, betaurrekoak, festa, onformazioa, nahasketa, janaria, ura, esperimentatu, kiwi, blogger, airea, espaguetiak, txoria, asteburua, beroa, koloreak, denbora.