Esperimentatzen...

Egunon Bloggeroak!

Zer berri? Guk gaurkoan, honakoa dugu zuekin konpartitzeko:

Aurreko saioan, hots, lehen praktikan, irakasleak IKT ikasgaiaren nondik norakoak azaltzen hasteko, " Kilikatik" deituriko bloga aurkeztu zigun. Horrekin batera eta bertan aurkitu genezakeen kronogramari jarraituz, lau kideez osatutako talde bakoitzak lauhilabetean zehar burutu beharreko lanak ohartarazi zizkigun.

Ondoren, honako abesti hau entzun genuen eta helarazten zizkigun sentimenduei jarraiki, ERRESISTENTZIA eta BALORE bat aukeratu behar izan genuen, banaka lehendabizi eta ondoren taldean adostuz. Guk hautatutako erresistentzia, DISTRAKZIOA izan zen eta balorea, aldiz, ERANTZUKIZUNA. 

Erlaxazio momentu honekin bukatu ostean, teknologia erabileraren inguruko zenbait galdera erantzun behar izan genituen, taldekide bakoitzaren ekarpenak kontuan hartuz, eta honekin aurkezpen kreatiboa egin behar izan genuen. Eta a zer nolako aurkezpenak!!! Guk bai irudimena!!! Txotxongiloak batetik, telesaioa bestetik...eta ez hori bakarrik! Talde batek bere urduritasunak alde batera uzteko, bolondresak eskatu eta haiei aurkezpena egitea eskatu zieten. Denetarik ikusteko aukera izan genuen eta egia esan momentu dibertigarria bizi genuen.

Amaitzeko, kontratu didaktikoa sinatu behar izan genuen talde guztien artean:

"Ekintza dinamikoak eta desberdinak burutu bakoitzaren izaera errespetatuz, distrakzioak ekiditeko"

Klase bukaeran zertan pentsatzen dugun jakin nahi? Hona hemen aipatu ziren hitz gakoetako batzuk:

• Parranda
• Alaitasuna
• Gosea 
• Irribarra
• Gogoak 

Ikus dezakezuen bezala, uda jadanik joan bazaigu ere gu beti lanari ekiteko prest!

Hurrengora arte,

4.zero