Aspaldiko!

Urriak 18

Aspaldiko, lagunak! Irailaren 27tik hemendik agertu ez garelako diogu hori. Egia esan denbora asko pasa da, eta honakoa gertatzearen arrazoiak adieraziko dizkizuegu jarraian. Urriaren 4an, modulu astea izan genuen, eta modulu lana burutzeko astean klase magistral eta praktikoak ezeztatzen direnez, IKT-ko klasea ere ez genuen ostegun horretan izan. Hurrengo astean, baina, egoera desberdina izan zen. Greba egiteko deialdia aurkeztua zen, 11x12 izena zeraman grebaren deialdia hain zuzen. Honako greba hau,Euskal Herriko ikasle mugimenduak espainiar estatuko gainontzeko nazio zapalduetako ikasle mugimenduarekin batera planteatua izan zen, Euskal Herriak behar duen hezkuntza eredu berria borrokatze asmoz. Horregatik, gure asmoa ere arlo honetan gobernuak burututako erreformen aurka borrokatzea denez, greba egitea erabaki genuen, gure eskubideak defendatu eta horien alde borrokatzeko asmoz. 

Aurreko egunetako gure ausentzia azaldu ostean, gaurko IKT-ko klase praktikoan egindakoa azaltzeari ekingo diogu. Klasea hasi bezain pronto, datozen orduetan burutuko dugunaren sintesi txiki bat egin du irakasleak, klasean aurkezpen edo hasiera gisa. Jada ikasle guztiak klasean kokatuta geundela, horrenbeste denbora klaserik gabe egon garenez, talde bakoitza banan-banan klasearen aurrera atera da eta egiten diarduten lana zein den azaltzeko gainontzeko guztiei. Talde bakoitzak, gainera, landu beharreko gaia zein den gogorarazi du, honako hauek aipatuz.

• Power point eta prezi.- kiwiak.
• Arbel digitala eta eskola web 2.0.
• Infografiak eta poster digitala (gurea).
• Bideo editazioa.- epopiak
• Argazki editazioa.- ikuarkuntza.
• Mapa mentalak. - kliklikatzen.
• Sare sozialak.- txinboak.

Talde bakoitzak bere gaia eta egindakoa azaldu ostean, azken klasean landutako RSS eta "creative common" kontzeptuen informazio gehigarria helarazi digu irakasleak, guretzat informazio gehigarri gisa. Horrekin amaitu eta gero,  kontzeptu berri bat lantzeari ekin diogu, "delicious" izenez ezagutzen dena.

Delicious edo markadore sozialak, pertsona batentzat garrantzitsuak edo interesgarriak diren orrialdeak... beste pertsona batzuekin konpartitzeko aukera ematen dute, hau da, URL bat konpartitzen da eta etiketa zein deskribapen txiki bat jartzeko aukera ematen du. Honako herraminta hau, baliagarria izan daiteke gai zehatz baten inguran lanean ari garenean, beste batzueri egiten ari garenaren berri eman ahal izateko. Delicious-en inguruko azalpenarekin amaitu eta bertan saltseatzen aritu gara, hurrengo kontzeptu berria aurkeztu aurretik. Honakoa azaldu ahal izateko, tag edo etiketen inguruko artikulu interegarri bat irakurri du irakasleak, hauek gaur egun interneten duten garrantziaz ohartzeko. Honakoa irakurtzearekin batera, foksonomiaz hitz egin digu.

Kontzeptu berri hauek ezagutu eta lehen ordu erdia pasa denerako, lanean diardugun gaiarekin jarraitzeko aukera izan dugu. Horretan jardun dugu gainontzeko klase guztia. Gainera, aurkezpenak egiteko egunak adostu ditugu eta gure kasuan, arazoaren 8an aurkeztea egokitu zaigu. Hori dela eta, gogor jardun dugu lanean, glogster, wordle eta infografien inguruko informazioa bilatu eta honekin trasteatuz. Horretan jardun dugu klase guztian zehar, atsedenaldi aurretik zein ondoren.

Erlojuak 13:15 aurkezten zuenean, irakasleak, azken hamabost minutuetan burutuko dugun praktikari hasiera eman dio. Ikasle guztiei, ikasgelako txokoren batean esertzeko eskatu digu, bakarrik, gainontzeko lagun guztiengandik banatuta. Ikasle bakoitzak bere tokia hartu eta eroso jarri ostean, begiak itxi eta irakaslea kontatzen hasi dena entzuten hasi gara, esandakoaren inguruan hausnartu eta horrela, klaseari amaiera eman nahian.

:

Klase amaieran aipatu ditugun hitzak, aurretik bizi izandako egoerarekin erlazionatuta egon dira gehienbat: 

askatasuna; nahasketa; iluna; eskubideak; lotura; lasaitasuna; baketasuna; alaitasuna; argitasuna; erlajazioa; logurea; irribarrea; isiltasuna; lasaitasuna; argia; poza; ideiak; indarra; balorea; arosotasuna; gugeu; ekuadorra. 

Honekin, bada, hemendik bi astetaraino agurtzen gara, jai-egunak izango ditugu datozen bi ostegunak eta horregatik ez gara hemen arituko.